星野旅馆2年连续，蝉联住客满意度调查第1位！分有「虹夕诺雅」嘅顶级豪华旅馆、「界」嘅精品温泉旅馆、「RISONARE」嘅时尚渡假村同「OMO」嘅都市观光酒店，4大系列旅馆。香港人之间较为出名嘅，相信就係位于轻井泽嘅「虹夕诺雅」豪华旅馆喇！
日本综艺节目《林修のニッポンドリル》追访咗星野旅馆，「虹夕诺雅」东京分馆嘅「神级」接待服务，简直贴心到令人感动！旅馆总负责人就话，集团废除咗接待指南，所有职员係根据同客人间嘅谈话同观察，自己思考提供咩服务畀客人最好，实现日本茶道中所体现嘅「主客一体」精神。
目的令住客舒舒服服咁，放低晒所有随身物品，先再进行check-in。女嘉宾激讚呢份细心，如果凑住小朋友去简直帮大忙，免除小朋友因「扭计」或嬉闹而造成嘅尴尬。
2：劲贴心！超班照顾
从谈话得知住客有花粉症，喺住客要求追加纸巾嘅同时，考虑到喉咙会唔舒服，拎完纸巾之后，居然仲拎埋蜂蜜同花果茶畀客人！你以为咁就完啦咩？仲有呀！职员甚至準备埋空气清新机，同king size垃圾桶畀客人！
对住多过一晚嘅客人，职员喺住客外出，执房时会观察住客嘅习惯喜好，从而改变房间内嘅摆设，令住客住得更舒服方便。例如见住客锺意观星嘅，就将梳化移至合适嘅角度、见客人带好多书嚟嘅，就拎埋book stand畀你，但大前题係职员唔会移动住客嘅私人物品。即时好有王子公主嘅feel呀！
回到正题，星野集团最新酒店，OMO5东京大冢即将于下星期开幕，客房一人一晚大约7,000円起。最大特色为客房「YAGURA ROOM(桧木)」，虽然细细间，但喺设置咗好多立体多功能家俱，而且用上咗高床架寝具，呢度隐藏咗星野旅馆嘅贴心。
使用高床架嘅原因係，直到住客入睡前都能保持乾净床舖。床架下有个梳化区域，确保住客外出玩完返嚟，有位置放「战利品」同休息，唔使扔晒啲嘢上床整污糟床舖。
OMO5延续星野旅馆一贯嘅好客之道，为咗令住客可以充分体验所在地嘅魅力，组成咗「OMO战队」，每日喺Go-KINJO Map上研发唔同路线，夜晚带你出去体验当地最地道嘅美食、美酒同特色活动。（*KINJO日文指邻近）
Hishino Resorts OMO5 Tokyo Otsuka
地址：东京都丰岛区北大冢2-26-1
官方网页：omo-hotels.com/otsuka/ch/
价格：7,000円（每人每晚）
房数：125
Check-in 15:00, Check-out 11:00
